ಮಡಿಕೇರಿಯಲ್ಲಿ ಚುರುಕುಗೊಂಡ SIR ಅಧಿಕಾರಿಗಳಿಗೆ ಯಾವ ಮಾಹಿತಿ ಕೊಡ್ಬೇಕು?
ಮಡಿಕೇರಿ (ಜೂ.30) ರಾಜ್ಯದಲ್ಲಿ ಮತದಾರರ ಪಟ್ಟಿ ವಿಶೇಷ ಸಮಗ್ರ ಪರಿಷ್ಕರಣೆ ಪ್ರಕ್ರಿಯೆ ಇಂದಿನಿಂದ ಆರಂಭವಾಗಿದ್ದು, ಬಿಎಲ್ಒಗಳು ಜುಲೈ 29ರವರೆಗೆ ರಾಜ್ಯದ ಮನೆ ಮನೆಗೆ ಭೇಟಿ ನೀಡಿ ಮತಪಟ್ಟಿ ಪರಿಷ್ಕರಣೆಯ ಎನ್ಯುಮರೇಷನ್ ಫಾರ್ಮ್ ನೀಡಲಿದ್ದಾರೆ.
BLO ಅಧಿಕಾರಿಗಳಿಗೆ ಯಾವ ಯಾವ ಮಾಹಿತಿ ನೀಡ್ಬೇಕು
ಮತದಾರರು ಫಾರ್ಮ್ ಭರ್ತಿ ಮಾಡಿ, ಸಹಿ ಮಾಡಿ ಬಿಎಲ್ಒಗಳಿಗೆ ಮರಳಿ ನೀಡಬೇಕು ಎಂದು ರಾಜ್ಯ ಮುಖ್ಯ ಚುನಾವಣಾಧಿಕಾರಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ. ಇಂದಿನಿಂದ ಜುಲೈ 29ರ ವರೆಗೆ ಮನೆ ಮನೆಗೆ ತೆರಳಿ ಬಿಎಲ್ಒಗಳು ಮತದಾರರಿಗೆ Enumeration form ಕೊಡಲಿದ್ದಾರೆ. ಎಲ್ಲಾ ಬಿಎಲ್ಒಗಳಿಗೆ ಫಾರ್ಮ್ ವಿತರಿಸಲಾಗಿದೆ. ಮನೆ ಮನೆಗೆ ತೆರಳಿ ಬಿಎಲ್ಒಗಳು ಎರಡು ಪ್ರತಿ ಫಾರ್ಮ್ ಅನ್ನು ಮತದಾರರಿಗೆ ವಿತರಿಸಲಿದ್ದಾರೆ.
ಈಗಾಗಲೇ 59,050 BLOಗಳು ತಮ್ಮ ಮೊಬೈಲ್ನಲ್ಲಿ ಲಾಗ್ ಇನ್ ಆಗಿ ಪ್ರಕ್ರಿಯೆ ಆರಂಭಿಸಿದ್ದು
ಫಾರ್ಮ್ ಭರ್ತಿ ಮಾಡದಿದ್ರೆ ಏನಾಗುತ್ತೆ?
ಮತದಾರರು ಅಧಿಕಾರಿಗಳು ಕೊಡುವ ಎನ್ಯುಮರೇಟ್ ಫಾರ್ಮ್ ಭರ್ತಿ ಮಾಡಿ, ಸಹಿ ಮಾಡಿದ್ದರೆ ಮಾತ್ರ ಅವರ ಹೆಸರು ಕರಡು ಮತದಾರರ ಪಟ್ಟಿಯಲ್ಲಿ ಇರಲಿದೆ. Enumeration form ನ್ನು ಕನ್ನಡ ಅಥವಾ ಇಂಗ್ಲಿಷ್ ನಲ್ಲಿ ಭರ್ತಿ ಮಾಡಬಹುದು. ಬೇರೆ ಭಾಷೆಯಲ್ಲಿ ಭರ್ತಿ ಮಾಡುವಂತಿಲ್ಲ. ಮಾಹಿತಿಯಲ್ಲಿ ವ್ಯತ್ಯಯವಿದ್ದರೆ ಅಂಥವರಿಗೆ ನೋಟಿಸ್ ನೀಡಲಾಗುವುದು. ನೋಟಿಸ್ ಬಂದ ಬಳಿಕ ದಾಖಲೆಗಳನ್ನು ಕೊಡಬೇಕು. ಆಗಸ್ಟ್ 5ರ ಬಳಿಕ ಅಗತ್ಯ ಇದ್ದರೆ ಮಾತ್ರ ದಾಖಲೆಗಳನ್ನು ಕೇಳಲಾಗುವುದು. ಅಲ್ಲಿಯವರೆಗೆ ಮತದಾರರಿಂದ ಯಾವುದೇ ದಾಖಲೆಗಳನ್ನು ಪಡೆಯಲಾಗುವುದಿಲ್ಲ. ಯಾರೂ ಬಿಎಲ್ ಒಗಳಿಗೆ ದಾಖಲೆಗಳನ್ನು ಕೊಡಬೇಡಿ. ನೋಟಿಸ್ ಬಂದ್ರೆ ಮಾತ್ರ ದಾಖಲೆ ಕೇಳಲಾಗುತ್ತೆ.
ಅಧಿಕಾರಿ ಬಂದಾಗ ಯಾವ ಯಾವ ಮಾಹಿತಿ ಕೇಳುತ್ತಾರೆ
ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ ಕಾರ್ಯ ರಾಜ್ಯದಲ್ಲಿ ಇಂದಿನಿಂದ ಶುರು
ಬೂತ್ ಮಟ್ಟದ ಅಧಿಕಾರಿಗ ಳಿಂದ ಮನೆಗೆ ಮನೆಗೆ ಭೇಟಿ. ಗಣತಿ ನಮೂನೆಗಳ ವಿತರಣೆ
ನಮೂನೆ ಭರ್ತಿ ಮಾಡಿ, ಸಹಿ ಮಾಡಿ ಬೂತ್ ಮಟ್ಟದ ಅಧಿಕಾರಿಗಳಿಗೆ ನಮೂನೆ ಮರಳಿಸಬೇಕು.
ಗಣತಿ ನಮೂನೆ ವಿತರಣೆ ಸಂಬಂಧ ಮನೆಗೆ ಸ್ಟಿಕ್ಕರ್ ಅಂಟಿಸಲಿರುವ ಅಧಿಕಾರಿಗಳು
ಮನೆಗೆ ಬೀಗ ಹಾಕಿದ್ದರೆ ಮತ್ತೊಂದು ಸ್ಟಿಕ್ಕರ್ ಅಂಟಿಸಿ, ಮುಂದಿನ ಭೇಟಿಯ ಮಾಹಿತಿ
ಎರಡು ಬಣ್ಣದ ಸ್ಟಿಕ್ಕರ್
BLOಗಳು ಮನೆಗೆ ಭೇಟಿ ಕೊಟ್ಟಾಗ ನೇರಳೆ ಬಣ್ಣ/ ಕೆಂಪು ಬಣ್ಣದ ಸ್ಟಿಕ್ಕರ್ ಅಂಟಿಸಲಾಗುತ್ತೆ. BLOಗಳು ಎನ್ಯೂಮರೇಷನ್ ಫಾರ್ಮ್ ಕೊಟ್ಟಿದ್ರೆ ನೇರಳೆ ಬಣ್ಣದ ಸ್ಟಿಕ್ಕರ್ ಅಂಟಿಸ್ತಾರೆ. ಮನೆ ಬಾಗಿಲು ಬಂದ್ ಆಗಿದ್ರೆ ಇದ್ರೆ ಕೆಂಪು ಕಲರ್ನ ವೃತ್ತಾಕಾರದ ಸ್ಟಿಕ್ಕರ್ ಅಂಟಿಸಲಾಗುತ್ತೆ. ರೆಡ್ ಕಲರ್ ಸ್ಟಿಕ್ಕರ್ ನಲ್ಲಿ ಮುಂದೆ ಯಾವಾಗ ಬರ್ತಾರೆ ಸೇರಿದಂತೆ ಪ್ರಮುಖ ಮಾಹಿತಿ ಇರುತ್ತೆ. ಅಧಿಕಾರಿಗಳು ಮನೆಗೆ ಬಂದಾಗ ಸದಸ್ಯರು ಇರದಿದ್ರೆ ಆನ್ಲೈನ್ನಲ್ಲೂ ಅರ್ಜಿ ಸಲ್ಲಿಸಬಹುದು.
ಹೇಗಿರುತ್ತೆ ಎನ್ಯೂಮರೇಷನ್ ಫಾರಂ?
1)ಮತದಾರರು ಹೆಸರು
2) ವೋಟರ್ ಐಡಿ
EPIC ನಂಬರ್-Electors Photo Identity Card
ಚುನಾವಣಾ ಫೋಟೋ ಗುರುತಿನ ಚೀಟಿಯ ನಂಬರ್
3)ಸಂಬಂಧಿಕರ ಹೆಸರು
4) ಸಂಬಂಧ(ನಿಮಗೆ ಅವರು ಏನಾಗಬೇಕು)
5)ಜಿಲ್ಲೆ
6) ರಾಜ್ಯ
7)ಕ್ಷೇತ್ರದ ಹೆಸರು
8) ಕ್ಷೇತ್ರದ ಸಂಖ್ಯೆ
9) ಭಾಗದ ಸಂಖ್ಯೆ(ಮತಗಟ್ಟೆ)
10) ಕ್ರಮ ಸಂಖ್ಯೆ.
11) ಜನ್ಮ ದಿನಾಂಕ
12)ಆಧಾರ್ ಕಾರ್ಡ್
13)ಮೊಬೈಲ್ ಸಂಖ್ಯೆ
14) ತಂದೆ/ ಪೋಷಕರ ಹೆಸರು
15)ತಂದೆ/ ಪೋಷಕರ EPIC ನಂಬರ್
16)ತಾಯಿಯ ಹೆಸರು
17) ತಾಯಿ/ ಪೋಷಕರ EPIC ನಂಬರ್
18)ಮದ್ವೆಯಾಗಿದ್ದರೆ ಗಂಡ/ ಹೆಂಡತಿ ಹೆಸರು
19) ಗಂಡ/ ಹೆಂಡತಿ- EPIC ನಂಬರ್
30.06.2026ರಿಂದ 29.07.2026ರ ವರೆಗೆ ಮತಗಟ್ಟೆ ಮಟ್ಟದ ಅಧಿಕಾರಿಗಳು (BLO) ಮನೆ ಮನೆಗೆ ಭೇಟಿ ನೀಡಿ ಗಣತಿ ನಮೂನೆಗಳನ್ನು ನೀಡಿ ಮಾಹಿತಿ ಸಂಗ್ರಹಿಸಲಿದ್ದಾರೆ.
