ಸಿದ್ದಾಪುರ : ಇಲ್ಲಿಗೆ ಸಮೀಪದ ನೆಲ್ಯಾಹುದಿಕೇರಿ ನಿವಾಸಿ ಜೋಸೆಫ್ (ಕುಂಞುಣ್ಣಿ) ಹಾಗೂ ಬಿಂದು ದಂಪತಿಗಳ ಪುತ್ರ (ಜೂಜಿ) ಇದೀಗ ತೆರೆಕಂಡಿರುವ ಶನ್ನು ಕಕ್ಕೂರ್ ಹಾಗೂ ಶಾಫಿ ಎಪ್ಪಿಕಾಡ್ ನಿರ್ದೇಶನದ ಮಲಯಾಳಂನ “ಕೂಡಲ್” (KOODAL) ಚಿತ್ರದಲ್ಲಿ ನಾಯಕ ನಟನ ಸ್ನೇಹಿತನ ಪಾತ್ರದಲ್ಲಿ ನಟನೆ ಮಾಡುವ ಮೂಲಕ ಗಮನ ಸೆಳೆದಿದ್ದು, ಸ್ಥಳೀಯರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
ಈ ಕುರಿತು ವಿಡಿಯೋ ವೊಂದನ್ನು ಮಾಡಿರುವ ಚಿತ್ರದ ನಾಯಕ ನಟ ಬಿಬಿನ್ ಜಾರ್ಜ್, ಯುವಕನ ನಟನೆ ಬಗ್ಗೆ ಶ್ಲಾಘನೆ ವ್ಯಕ್ತಪಡಿಸಿದ್ದು, ಎಲ್ಲರೂ ಚಿತ್ರ ಮಂದಿರಗಳಿಗೆ ತೆರಳಿ ಚಿತ್ರವನ್ನು ನೋಡುವ ಮೂಲಕ ಸ್ಥಳೀಯ ಪ್ರತಿಭೆಯನ್ನು ಪ್ರೋತ್ಸಾಹಿಸುವಂತೆ ಮನವಿ ಮಾಡಿದ್ದಾರೆ.
ಈ ಕುರಿತು ಹರ್ಷ ವ್ಯಕ್ತಪಡಿಸಿರುವ ಜೂಜಿ ನನಗೆ ಸಿಕ್ಕ ಅವಕಾಶವನ್ನು ಸದುಪಯೋಗ ಪಡಿಸಿಕೊಂಡಿದ್ದೇನೆ, ಕೂಡಲ್ ಚಿತ್ರ ಉತ್ತಮವಾಗಿ ಮೂಡಿ ಬಂದಿದೆ ಎಲ್ಲರೂ ಚಿತ್ರ ನೋಡಿ ಪ್ರೋತ್ಸಾಹಿಸಿ ಎಂದು ಮನವಿ ಮಾಡಿದ್ದಾರೆ .
*KODAGU NEWS*